1.
En Gmoidrot muaß mr oifach hau, hollahi, hollaho
sonst müaßt die Gmoid bada gau, hollahi, aho
Gmoidsrot sei des isch doch nett, hollahi, hollaho
brauscht obeds net so bals ins Bett, hollahi, aho.

2.
Jetzt kommt dr Michel Kluf no dran, hollahi, hollaho
wie sieh denn der dr Gmoidrot a hollahi, aho
wie er's macht des sei a Graus, hollahi, hollaho
schmeißt viel Geld zum Fenschter raus, hollahi, aho.

3.
Eines was uns Freude macht, hollahi, hollaho
isch der Gemeindereisetag, hollahi, aho
Arbeitssorga bleibt zu Haus, hollahi, hollaho
mr fahret froh ens Ländle naus, hollahi, aho.

4.
Viele Bürger moinat jo, hollahi, hollaho
Gmoid sei grad für älles do, hollahi, aho
wunderbar i sags euch gschwend, hollahi, hollaho
wenn mr Gmoid bloß melka könnt, hollahi, aho.

5.
Isch die Sitzung em ois scho aus, hollahi, hollaho
gehn wir schnell zur Turnhall raus, hollahi, aho
kommsch früh hoim, mr ka scho seh, hollahi, hollaho
frogt's Fraule bisch beim Gottlieb gwea, hollahi, aho.

6.
Liebe Bürger, denk am End, hollahi, hollaho
daß doch Gmoid wir älle send, hollahi, aho
sei so guat ond mach doch mit, hollahi, hollaho
no hosch des Recht zu der Kritik, hollahi, aho.

7.
En Gmoidrot muaß mr oifach hau, hollahi, hollaho
sonstmüaßt die Gmoid bald bada gau, hollahi, aho
Gmoidrot sei des isch doch nett, hollahi, hollaho
brauscht obeds net so bald ens Bett, hollahi, aho.

Zurück